L'enfrascamientu

(2019)

Los mios pensamientos, los mios problemes,

les mios preocupaciones, les mios moliciones,

los mios intereses, la mio burbuxa particular.

Fragmentemos.

Porque l’aisllamientu ye control, ye contención, ye parálisis frenéticamente activa ya inútil.

Fragmentemos.

Fagámoslos creyer que tienen que competir.
Emprendei, creai, sei útiles, triunfai.

Dilúyome, disuélvome, distorsiónase la mio realidá, desenfóquense los mios oxetivos, esmorézome.

Pero…
ye que nel mio frascu, nel mio propiu frascu decido yo. Yo pienso, yo creo, yo imaxino, yo actúo, yo siento..


Siento... pero nun s’oi na igual
Veo pero xuraría que miro al traviés d'algo… xuraría qu’ente lo que miro y lo que veo hai daqué que camuda la mio forma de mirar.

 

En cualesquier casu, esi daqué forma parte de mi, de la mio burbuxa, del mio frascu, de la mio llibertá, porque yo soi llibre.


¿Verdá?